Kryeministri i Shqipërisë, Edi Rama, do të zhvillojë nesër një takim me Presidentin e Këshillit të Europës, Antonio Costa, i cili ndodhet në një vizitë rajonale në Ballkanin Perëndimor. Ky takim realizohet si pjesë e angazhimit të Bashkimit Europian për forcimin e bashkëpunimit me rajonin, gjashtë muaj pas samitit të fundit të mbajtur në Bruksel.
Vizita e Antonio Costa në Tiranë shërben si përgatitje për Samitin BE–Ballkani Perëndimor, i cili është planifikuar të mbahet më 5 qershor në Tivat të Malit të Zi.
Sipas agjendës së bërë publike, programi i vizitës në kryeqytetin shqiptar përfshin:
• 11:15 – 12:00: Takim bilateral ndërmjet delegacioneve zyrtare të dy palëve.
• 12:15 – 12:45: Konferencë e përbashkët për shtyp e Kryeministrit Rama dhe Presidentit Costa.
Strukturat përgjegjëse kanë njoftuar se gazetarët që dëshirojnë të ndjekin këtë aktivitet duhet të kryejnë paraprakisht procedurat e nevojshme të akreditimit.
Përditësime
Presidenti i Këshillit Europian, António Costa, do të zhvillojë takime zyrtare në Tiranë me Presidentin Bajram Begaj dhe studentët e Kolegjit të Evropës. Pas vizitës në Shqipëri, Costa do të udhëtojë drejt Prishtinës, ku agjenda përfshin takime me krerët e shtetit dhe përfaqësues të opozitës.
Kryeministri Edi Rama do të presë të martën, 2 qershor 2026, Presidentin e Këshillit të Evropës. Axhenda zyrtare përfshin këto zhvillime:
- Presidenti i Këshillit të Evropës do të zhvillojë një takim me Presidentin e Republikës, Bajram Begaj.
- Vizita vijon me një sesion bashkëbisedimi me studentët e Kolegjit të Evropës.
- Bisedimet do të përqendrohen te përshpejtimi i reformave për objektivin strategjik të anëtarësimit të Shqipërisë në Bashkimin Evropian brenda vitit 2030.
Kryeministri Edi Rama priti sot në Tiranë Presidentin e Këshillit të Europës, Antonio Costa, i cili e vizitoi Shqipërinë pas ndalesës në Bosnje-Hercegovinë. Përmes një postimi në rrjetet sociale, Kryeministri Rama bëri të ditur se fokusi i bisedimeve ishte objektivi për anëtarësimin e Shqipërisë në Bashkimin Europian deri në vitin 2030.