Kryeministri Edi Rama ka reaguar lidhur me polemikat e ditëve të fundit për gjendjen e Banjave Termale të Bënjës, duke i hedhur poshtë akuzat për betonizim apo tharje të zonës. Përmes një postimi në rrjetet sociale, ai i ka përshkruar pretendimet e qarkulluara si një “raketë digjitale”, që sipas tij, synon manipulimin e opinionit publik.
Sipas kreut të qeverisë, ndërhyrjet aktuale nuk cenojnë natyrën dhe nuk përfshijnë konflikte pronësie apo shitblerje. Përkundrazi, ai thekson se bëhet fjalë për një projekt publik rigjenerimi, i cili ka për qëllim përmirësimin e shërbimeve dhe rritjen e aksesit për mijëra vizitorë e turistë që frekuentojnë këtë destinacion çdo vit.
Kryeministri i ka krahasuar këto reagime me debatet e mëparshme mbi flamingot, duke aluduar se pas këtyre lëvizjeve digjitale fshihen “duar të huaja” dhe organizatorë që kërkojnë të shkaktojnë trazira politike. Për të ilustruar situatën, Rama publikoi një video nga Banjat e Bënjës, e cila sipas tij dëshmon gjendjen reale në terren dhe mungesën e çfarëdo dëmtimi të pasurisë natyrore të zonës.
Përditësime
Fondi Shqiptar i Zhvillimit (FSHZH) do të jetë institucioni përgjegjës për zbatimin e projektit të rigjenerimit në Banjat e Bënjës, njoftoi qeveria. Sipas Kryeministrit Rama, ndërhyrja synon transformimin e zonës përmes:
Kryeministri Edi Rama publikoi pamje nga Banjat e Bënjës në Përmet, ku evidentohet fluksi i vizitorëve dhe zhvillimi i aktiviteteve festive. Në kuadër të projektit për rigjenerimin e zonës, Rama ftoi qytetarët t'i vizitojnë ato, duke nënvizuar përmirësimin e infrastrukturës akomoduese dhe të shtigjeve për këmbësorët.