Sanae Takaichi, kryeministrja e Japonisë, u takua me 19 mars 2026 me presidentin amerikan Donald Trump në Shtëpinë e Bardhë.
Gjatë takimit, ajo deklaroi se "vetëm" Trump mund të arrijë paqen në të gjithë botën. Takaichi theksoi se zhvillimi i armëve bërthamore nga Irani "nuk duhet të lejohet kurrë" dhe se ekonomia globale rrezikon goditje të mëdha për shkak të këtij zhvillimi.
Ajo tha se zyrtarët japonezë i kanë bërë thirrje të drejtpërdrejtë Iranit për të ndaluar sulmet ndaj infrastrukturës energjetike, përfshirë mbylljen e Ngushticës së Hormuzit. Japonia paraqiti propozime konkrete për stabilizimin e tregjeve energjetike dhe diskutoi çështje sigurie ekonomike, burime strategjike si mineralet e rralla, si dhe tregtinë.
Trump u shpreh se konflikti në Lindjen e Mesme do të përfundojë shpejt, duke thënë se Irani ka pësuar goditje të mëdha, me humbje të marinës, forcave ajrore dhe lidershipit. Ai vlerësoi reagimin e Japonisë, duke thënë se ajo "po mban një qëndrim të qartë" dhe ka marrë "garanci" nga ajo, ndërsa kritikoi NATO-n për mosangazhim të ngjashëm.
Takaichi shtoi se Japonia është e gatshme të angazhohet me partnerët ndërkombëtarë dhe po mbajt kanale komunikimi me Iranin.