Kandidati për kryeministër i VV-së, Albin Kurti, ka publikuar një video ku i drejtohet mërgatës dhe i kërkon që të regjistrohet për të votuar në zgjedhjet e 7 qershorit.
Ai ka theksuar se afati i regjistrimit përfundon nesër. Mërgimtarët që nuk regjistrohen brenda këtij afati nuk do të mund të ushtrojnë të drejtën e tyre të votës.
Kurti ka njoftuar se deri tani janë regjistruar mbi 95 mijë mërgimtarë. Ai i ka ftuar bashkatdhetarët që të regjistrohen sot ose nesër dhe të ndihmojnë edhe të tjerët të bëhen pjesë e procesit.
Regjistrimi mund të bëhet nëpërmjet faqes zyrtare të Komisionit Qendror të Zgjedhjeve.