Albin Kurti, kryeministër i Kosovës, premtoi 500 mijë euro shpërblim për Përfaqësuesen e Kosovës në futboll në rast fitoreje ndaj Sllovakisë në ndeshjen e sotme, më 26 mars 2026, në Bratisllavë.
Premtimi u bë gjatë mbledhjes së Qeverisë më 27 nëntor 2025. Atëherë, Kurti deklaroi se Qeveria ndan 250 mijë euro për kalimin në fazën e plejofit të kualifikimeve për Botërorin 2026. Për fazën e ardhshme, ai zotohet për 500 mijë euro në rast fitoreje ndaj Sllovakisë dhe 1 milion euro për kualifikimin në turne.
"Në fazën e radhës hyjmë me plot vetëbesim. Në rast të fitores ndaj Sllovakisë zotohemi për shpërblim 500 mijë euro. Në rast të kualifikimit në Botëror zotohemi për 1 milion euro shpërblim", tha Kurti.
Në rast fitoreje, Kosova do të luajë ndeshjen vendimtare në Prishtinë kundër fituesit të duelit Turqi–Rumani. Kjo ndeshje zhvillohet në stadiumin Fadil Vokrri të martën e ardhshme.
Përditësime
Kryeministri Albin Kurti zgjeron deklaratën: «Besimin tonë në ta po e shprehim me zotimin tonë për ta... Përpara, Kosovë, gjithmonë me ty».
Zhvillime të tjera:
- Ndeshja nis në orën 20:45.
- Botërorin 2026 e organizojnë SHBA, Kanada dhe Meksikë.
Kosova fitoi 4-3 ndaj Sllovakisë në gjysmëfinalen e playoff-it.
Golat i shënuan Veldin Hoxha, Fisnik Asllani, Florent Muslija dhe Kreshnik Hajrizi.
Finalja kundër Turqisë luhet më 31 mars në stadiumin Fadil Vokrri. Të gjitha biletat janë shitur.
Ministri i Financave, Hekuran Murati, njofton në Facebook se vendimi për shpërblimin prej 500 mijë eurosh do të jetë gati për miratim të hënën në mbledhjen e Qeverisë. Ai shkroi: „Mirëmëngjes fitues! Me kërkesë të Kryeministrit..."
- Futbollistët festuan me flamurin kuqezi dhe atë të Kosovës, duke kënduar këngën 'Unë jam shqipe nga Kosova' në dhomat e zhveshjes (VIDEO).
Qeveria ka ndarë zyrtarisht 500 mijë euro shpërblim për fitoren ndaj Sllovakisë.
Kryeministri Albin Kurti deklaroi: "Sot ndajmë shpërblimin prej 500 mijë euro".
Ai premtoi 1 milion euro nëse kombëtarja mposht Turqinë nesër dhe shpërblime më të mëdha në rast kualifikimi.