Albin Kurti, kryeministër i Kosovës, mori pjesë në darkën zyrtare të organizuar në kuadër të Samitit të Komunitetit Politik Evropian (EPC) në Jerevan të Armenisë. Ngjarja u zhvillua në praninë e Presidentit armen Vahagn Khachaturyan.
Në pritjen zyrtare, Kurti u mirëprit nga Kryeministri i Armenisë Nikol Pashinyan dhe Kryetari i Kuvendit Alen Simonyan. Gjatë mbrëmjes, ai zhvilloi bashkëbisedime me liderë dhe përfaqësues të lartë të shteteve pjesëmarrëse.
Bisedat u përqendruan në shkëmbimin e pikëpamjeve mbi zhvillimet aktuale në Evropë dhe më gjerë, si dhe në mundësitë për thellimin e bashkëpunimit në fusha me interes të përbashkët.
Ndër liderët e takuar ishin:
- Kryeministri i Mbretërisë së Bashkuar Keir Starmer;
- Presidenti i Këshillit Evropian António Costa;
- Presidenti i Konfederatës së Zvicrës Guy Parmelin;
- Zëvendëspresidentja e Bullgarisë Iliana Iotova;
- Kryeministri i Shqipërisë Edi Rama;
- Presidenti i Malit të Zi Jakov Milatović;
- Kryeministri i Norvegjisë Jonas Gahr Støre;
- Sekretari i Përgjithshëm i OSBE-së Feridun H. Sinirlioğlu;
- Kryeministri i Andorrës Xavier Espot Zamora;
- Anëtari i Presidencës së Bosnjë e Hercegovinës Denis Bećirović;
- Kryministrja e Lihtenshtajnit Brigitte Haas.
Kurti ka njoftuar për këtë në një postim në Facebook, duke theksuar rëndësinë e këtyre kontakteve për koordinimin evropian.