Kampionati Botëror i futbollit 2026, i cili për herë të parë po zhvillohet me 48 kombëtare, ka bërë publike shpërblimet financiare për drejtuesit e skuadrave pjesëmarrëse. Sipas të dhënave nga Calcio & Finanza, Carlo Ancelotti mban vendin e parë si trajneri më i paguar, me një pagë vjetore prej 10 milionë eurosh në krye të përfaqësueses braziliane.
Në podiumin e pagave renditen gjithashtu:
- Thomas Tuchel (Angli): 5,8 milionë euro (shifra i referohet kontratës para rinovimit të fundit).
- Mauricio Pochettino (SHBA): 5 milionë euro neto.
Lista e trajnerëve me fitimet më të larta vijon me emra të tjerë të njohur të futbollit botëror:
- Julian Nagelsmann (Gjermani): 4,9 milionë euro.
- Roberto Martinez (Portugali): 4 milionë euro.
- Didier Deschamps (Francë): 3,8 milionë euro.
- Marcelo Bielsa (Uruguaj): 3,5 milionë euro.
- Ronald Koeman (Holandë): 3 milionë euro.
- Jessie Marsch (Kanada), Javier Aguirre (Meksikë) dhe Gustavo Alfaro (Paraguaj): secili përfiton 2,5 milionë euro.
Një detaj që ka tërhequr vëmendjen në këtë renditje është mungesa e trajnerëve të kombëtareve të Spanjës dhe Argjentinës, Luis De La Fuente dhe Lionel Scaloni, në dhjetëshen e më të paguarve. Kupa e Botës 2026 po zhvillohet në Shtetet e Bashkuara, Kanada dhe Meksikë, ku ndeshjet zhvillohen në stadiume të ndryshme, përfshirë MetLife Stadium.