Partia Shqipëria Bëhet organizoi protestë para Kryeministrisë, ku kryetari i saj, Adriatik Lapaj, mbajti një fjalim.
Lapaj deklaroi: “Ky shtet i turpit, që e çoi Shqipërinë në këtë shkatërrim të madh. Nuk ka asnjë komb në botë që droga dhe krimi i organizuar kthehen në sistem, varfëria dhe korrupsioni mbizotëron. Keqqeverisja dhe autokracia mbizotëron se shteti vendoset në funksion të krimit dhe kjo duhet luftuar."
Ai shtoi: “Droga qoftë e bardhë apo e kuqe, vuajtja për kombin nga ata që i vendosin shtetet në funksion të drogës meriton një luftë të madhe të një aleance ndërkombëtare kundër tyre. Do të mbahen mend si qeveria që mbolli drogë dhe frikë. Ndaj duhet ta presim nga rrënjët. Edi Rama o hajdut.”
Lapaj u bëri thirrje qytetarëve të bashkohen për të luftuar qeverinë Rama 4 dhe hajdutët e saj.
Përditësime
Nuredin Lapaj organizoi një protestë me disa dhjetëra qytetarë, ku akuzoi një pjesë të policisë se është zgjatim i krimit. Ai iu referua arrestimeve të 4 janarit dhe kërcënimeve policore ndaj tij, duke deklaruar: "Ne ose do të heqim këtë klasë politike, ose do të largohemi të gjithë."