Mëngjesin e së hënës, një sasi lënde plasëse u konstatua pranë makinerive të një kompanie inertesh në zonën e Spaçit, Mirditë.
Punonjësit e kompanisë e vunë re lëndën plasëse dhe njoftuan menjëherë policinë. Fatmirësisht, ajo nuk shpërtheu.
Në vendngjarje mbërritën forcat xheniere për të çaktivizuar lëndën plasëse. Policia ka nisur hetimet për të zbardhur rrethanat e vendosjes së saj.
Përditësime
Autoritetet gjetën një qese me lëndë plasëse në një kamion në parkingun e subjektit minerar në Spaç, rreth orës 08:00 të 16.03.2026. Shtetasja I. B., administratore e subjektit, është nën hetim nga Prokuroria.
Shtetasja I.B., administratore e subjektit minerar, ka njoftuar personalisht policinë për qesenë me lëndë plasëse në kamion.
Hetimi po kryhet nën drejtimin e Prokurorisë për sqarimin e rrethanave, identifikimin e autorit/ve dhe dokumentimin ligjor.