Hande Erçel, aktore e njohur turke, është përfshirë në një hetim të Departamentit të Krimeve kundër Narkotikëve në Stamboll. Sipas mediave turke, autoritetet kryen operacione të njëkohshme në 16 adresa të ndryshme, ku arrestuan 14 persona dhe i dërguan në paraburgim.
Hetimi lidhet me akuzat për prodhim dhe trafikim narkotikësh, lehtësim të përdorimit të tyre, posedim narkotikësh për përdorim personal, përdorim narkotikësh, si dhe nxitje dhe ndërmjetësim prostitucioni.
Ndër emrat e përmendur janë Fikret Orman, Hakan Sabancı (ish-partneri i aktores), Kerim Sabancı, Burak Elmas, Didem Soydan dhe Güzide Duran.
Aktorja Hande Erçel reagoi përmes një postimi në rrjete sociale. Ajo deklaroi: "Jam jashtë vendit për rreth një muaji për arsye shkollimi. Mbrëmë, ashtu si ju, edhe unë u vura në dijeni për çështjen përmes lajmeve në media. Për të zbardhur këtë situatë, do të kthehem në vend, do të bëj shpjegimet e nevojshme dhe do të jap dëshminë time. Jam dikush që e do vendin e tij, që i beson shtetit dhe drejtësisë turke. Besoj se situata do të sqarohet sa më parë."
Përditësime
Policia ka konfiskuar substanca të dyshuara narkotike dhe dokumentacion të lidhur me aktivitetin kriminal në 16 adresa (nga Mapo).
- Hetimi prek një rrjet të gjerë shoqëror dhe ekonomik (nga Mapo).
- Autoritetet thonë se hetimet do të vazhdojnë deri në zbardhjen e plotë (nga Mapo).
Prokuroria e Stambollit dhe Drejtoria për Krimet Narkotike udhëheqin hetimin.
Policia arrestoi 14 nga 16 të dyshuar gjatë operacionit, përfshirë Sezgin Koysuren, Ferhat Aydin, Lutfiye Tugçe Ozbudak, Koray Serenli, Onur Bukçu, Ismail Behram Perinçekli, Kaan Mellart, Onur Talay dhe Mustafa Tari.
Urdhër arresti u lëshua për 2 të tjerë, përfshirë aktoren Hande Erçel.
Prokuroria e Përgjithshme e Stambollit lëshoi një deklaratë zyrtare. Hetimi synon mbrojtjen e moralit publik, strukturës shoqërore dhe rendit familjar, bazuar në prova për posedim narkotikësh për përdorim personal ose lehtësim të përdorimit.