Një operacion i gjerë policor i zhvilluar mëngjesin e së enjtes, më 11 qershor, ka çuar në ndalimin e 22 personave në qytetin e Stambollit. Ky aksion është ndërmarrë në kuadër të një hetimi për trafik dhe përdorim të lëndëve narkotike, të udhëhequr nga Prokuroria e Stambollit.
Ndër figurat publike të ndaluara gjatë këtyre bastisjeve janë aktorja Beren Saat, këngëtari Kenan Doğulu, këngëtarja dhe aktorja Ayşe Hatun Önal, moderatori Ozan Doğulu, këngëtari Berdan Mardini, aktori Enis Arıkan, si dhe personazhet e rrjeteve sociale Kerimcan Durmaz dhe Selin Ciğerci.
Në listën e personave të ndaluar bëjnë pjesë gjithashtu: Tolga Çam, Ferhan Kaya, Murat Saygı, Enis Ahmet Onat, Ahmet Karoğlu, Emre Tari, Hasan Vatan, Mehmet Cem Karcı, Reyhan Küçükyeğen, Yaşar İpek, Mehmet Yıldız, Tessy Ramos Correira, Rafet Eren Yorulmazer dhe Ali Efe Bezci.
Deri në këto momente, autoritetet nuk kanë bërë publike detaje specifike mbi akuzat që rëndojnë ndaj secilit prej të ndaluarve. Prokuroria e Stambollit njoftoi se procedurat dhe hetimet mbi këtë çështje mbeten të hapura dhe po zhvillohen në disa drejtime.
Përditësime
Autoritetet turke kanë zgjeruar hetimet lidhur me operacionin antidrogë në Stamboll, duke përfshirë tashmë edhe akuzat për prostitucion. Policia ka shpallur në kërkim 5 persona të tjerë, ndërsa gjatë operacionit janë sekuestruar sasi lëndësh narkotike dhe prova materiale që implikojnë të dyshuarit në rrjetin kriminal.