Lëvizja Bashkë mbajti një protestë para Kuvendit më 19 janar, gjatë seancës plenare. Qindra mbështetës, të udhëhequr nga kryetari Arlind Qori dhe deputeti Redi Muçi, u mblodhën për të kërkuar nga maxhoranca socialiste që Belinda Balluku të vihet në dispozicion të drejtësisë.
Protestuesit hodhën parulla si "Dorëzoni Belinda Ballukun!" dhe "Dorëheqje!", duke mbajtur banderola e pankarta. Ata vunë në dukje aferat korruptive që po heton SPAK, veçanërisht ato të Belinda Ballukus dhe AKSHI-t, të cilat sipas tyre i kushtojnë miliona euro qytetarëve.
Gjatë protestës folën drejtues të lëvizjes, deputeti Redi Muçi dhe qytetarë. Ata akuzuan qeverinë se mbron Ballukun, duke zvarritur procedurën për heqjen e imunitetit në Kuvend, pavarësisht hetimeve të SPAK-ut për abuzime.
Përditësime
Protestuesit e Lëvizjes Bashkë ngritën parulla të reja para Kuvendit: "Pse nuk e di partia se kush është Belinda Balluku" dhe "Taksoni dhjamin, jo djersën."