Fshati Lini, i njohur për vlerat historike dhe tërheqjen turistike thuajse gjatë gjithë vitit, vazhdon të trajtojë ujërat e zeza dhe ato të përdorura me metoda primitive. Shumica e banorëve i derdhin drejtpërdrejt në Liqenin e Ohrit, ndërsa një pjesë e vogël kanë ndërtuar gropa septike.
Banorët përpiqen ta fshehin problemin nga vizitorët, por peshqit e liqenit duket se e kanë braktisur bregun e Linit. Kjo situatë ka vazhduar për vite me radhë pa zgjidhje.
Bashkia e Pogradecit ka nisur së fundmi një projekt konkret për trajtimin e ujërave të zeza në Lini, i cili pritet të zgjerohet edhe në fshatrat e tjerë të njësisë administrative Udënisht.