Kapiteni i kombëtares argjentinase, Lionel Messi, ka emocionuar tifozët me një reagim publik pak përpara përballjes finale ndaj Spanjës në Kupën e Botës 2026. Në letrën e tij të hapur, 39-vjeçari theksoi se përvoja e fituar me ekipin kombëtar është më e vlefshme se vetë trofetë.
Messi shprehu mirënjohje për shokët e skuadrës, stafin teknik dhe mbështetësit, duke vlerësuar frymën familjare që është krijuar brenda grupit. "Gjëja më e bukur e gjithë këtyre viteve nuk kanë qenë vetëm trofetë, por i gjithë rrugëtimi", u shpreh kapiteni.
Lojtari deklaroi se, pavarësisht rezultatit të finales, ky brez lojtarësh ka lënë tashmë një shenjë të pashlyeshme në historinë e futbollit argjentinas. "Çfarëdo që të ndodhë, ky grup ka shkruar një histori që nuk do ta harrojmë kurrë", shtoi ai, duke nxitur spekulimet se kjo ndeshje mund të jetë e fundit për të me fanellën e përfaqësueses.
Përditësime
Argjentina synon mbrojtjen e titullit kampion në finalen e madhe që nis sonte në orën 21:00. Lionel Messi arrin në këtë përballje me një kontribut prej 8 golash dhe 4 asistimesh gjatë këtij turneu.