Liqeni i Ohrit është shpallur destinacioni më i bukur në Europë nga gazetarët e udhëtimit të Time Out. Ky liqen shtrihet mes Shqipërisë dhe Maqedonisë së Veriut dhe njihet si një nga liqenet më të vjetër dhe më të thellë në Europë.
Burimet e krahasojnë Liqenin e Ohrit me Liqenin e Komos në rajonin e Lombardisë të Italisë, ku vizitojnë mbi një milionë turistë çdo vit për vilat buzë ujit. Ndërsa Liqeni i Komos tërheq turma dhe personazhe të famshëm, Liqeni i Ohrit ofron peizazhe të ngjashme bukurie me më pak vizitorë dhe kosto më të ulëta.
Ujërat e tij blu kristal, malet mbresëlënës dhe brigjet me qytete historike krijojnë një pamje të veçantë. Në anën e Maqedonisë së Veriut, qyteti i Ohrit dallohet me rrugë të kalldruara, qindra kisha mesjetare – sipas traditës, 365 kisha, një për çdo ditë të vitit – dhe çati me tjegulla që zbresin drejt liqenit. Vizitorët mund të notojnë, të eksplorojnë rrënoja të lashta dhe të shohin perëndime dielli pas maleve.
Në anën shqiptare, peizazhi është më i egër dhe i qetë, me fshatra të vegjël. Fshati Lin njihet për mozaikët e lashtë dhe kampingjet piktoreske buzë ujit.
Lista e plotë e 10 vendeve më të bukura në Europë sipas Time Out përfshin:
- Liqeni i Ohrit, Maqedonia e Veriut;
- Banjat termale të Saturnias, Toskanë, Itali;
- Giant’s Causeway, Irlanda e Veriut;
- Alberobello, Pulia, Itali;
- Poçitelj, Bosnje dhe Hercegovinë;
- Fjordet norvegjeze;
- Kopshtet Kew, Londër;
- Kanali Prinsengracht, Amsterdam;
- Lugina e Moselit, Gjermani;
- Casa Batlló, Barcelonë.