Revista britanike Time Out ka publikuar një listë me 12 destinacionet më të mira për t’u vizituar në Shqipëri gjatë vitit 2026. Artikulli e përshkruan vendin si një destinacion të veçantë që ecën me ritmin e vet, duke ofruar plazhe të Rivierës Shqiptare, qytete historike, rrënoja të lashta, parqe kombëtare malore, ushqim të shijshëm dhe verë të nënvlerësuar.
Shqipëria tërheq turistë për plazhet, festivalet e muzikës dhe ndikimin e Dua Lipës. Tirana renditet si një nga qytetet më të përballueshme në Evropë për ushqimin, pijen dhe akomodimin, edhe pse resortet bregdetare shtrenjtohen gjatë verës.
Destinacionet kryesore të listuara përfshijnë:
- Tirana: Kryeqyteti ofron ndjesi qytetare me muze e memoriale nga periudha komuniste, të transformuara në galeri arti. Vendasit frekuentojnë teleferikun për në malin Dajt për drekë me mish qengji.
- Qafa e Llogorasë: Pikë spectacolare që lidh luginën e Dukatit me Himarën, me pamje mbi detin Jon, pyje pishe dhe mundësi për paragliding.
- Berati: Qytet me atmosferë të vjetër, shtëpi të grumbulluara pranë lumit.
Kalendari shqiptar është i pasur me ngjarje: festivale folklorike në Gjirokastër dhe festivali i birrës në Korçë. Eksplorimi më i mirë bëhet me makinë, ndërsa infrastruktura turistike dhe transporti publik përmirësohen gradualisht.
Përditësime
Tirana kryeson listën e qyteteve më të përballueshme në Evropë për 2026, falë ushqimit, pijeve dhe akomodimeve të lira. Artikullin në Time Out e shkroi Stuart Butler, i cili shton se ditët kur Shqipëria shihej si destinacion buxhetor kanë kaluar.