Në mbledhjen e 1 prillit 2026, Këshilli i Ministrave vendosi lirimin nga detyra të zëvendësministrin të Mbrojtjes Andrea Shllaku dhe emërimin e Pranvera Skana në të njëjtën detyrë.
Vendimet u morën me propozim të Kryeministrit Edi Rama, në mbështetje të nenit 100 të Kushtetutës dhe pikës 2 të nenit 6 të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”.
Andrea Shllaku mbante detyrën që nga 19 dhjetori 2025. Pranvera Skana ka qenë kandidate në listat e Partisë Socialiste për qarkun e Lezhës në zgjedhjet e vitit 2025.
Sipas vendimit për lirim:
• Z. Andrea Shllaku, zëvendësministër i Mbrojtjes, lirohet nga kjo detyrë.
Sipas vendimit për emërim:
• Znj. Pranvera Skana emërohet zëvendësministër i Mbrojtjes.
Të dy vendimet hyjnë në fuqi menjëherë dhe botohen në Fletoren Zyrtare.