Analisti Fatos Lubonja komentoi në emisionin Kjo Javë të News24-së shkarkimin e Belinda Ballukut nga posti i zv.kryeministres dhe ministres, si dhe rokadën në kabinetin qeveritar.
Lubonja e sheh këtë veprim si një tymnajë të drejtuar ndërkombëtarëve, për t’u treguar se në Shqipëri po merren masa, por edhe opinionit publik.
Sipas tij, ndryshime të tilla nuk sjellin asgjë të re, sepse problemi rrjedh nga sistemi dhe koka e tij, kryeministri Edi Rama. Balluku është bërë pengesë në një zinxhir hallkash që fillon nga Rama.
Ai u shpreh: "Ky tym i drejtohet edhe ndërkombëtarëve që shiko se ja po merren masa në Shqipëri. U shkarkua Balluku, edhe opinionin publik për aq sa ka veshë. [...] Tani Balluku është bërë pengesë, problemi është që të ndërrojë zinxhiri me këto hallka. Ndrysho gjithçka që të mos ndryshosh asgjë. Duhet ndryshuar sistemi dhe koka e sistemit që është Edi Rama".
Lubonja përmendi një bisedë me një person që njeh mirë skemën e biznesit të përfshirë në këtë zinxhir.