Kandidati për kryeministër nga radhët e Lidhjes Demokratike të Kosovës (LDK), Lumir Abdixhiku, ka zhvilluar një tubim me qytetarët në Istog, të cilin e ka cilësuar si "tërmet elektoral".
Duke iu drejtuar të pranishmëve, Abdixhiku theksoi se ky mobilizim i jep partisë shpresë, motiv dhe besim se "rruga e bashkimit" po i bën njerëzit bashkë. Sipas tij, kjo rrugë po i bashkon qytetarët rreth një ideje dhe një besimi të madh se Kosova mundet më mirë.
"Ju faleminderit! Ishim në shtëpi. S’kishte si të kulmonte ndryshe", u shpreh Abdixhiku, duke vlerësuar atmosferën e krijuar gjatë këtij takimi elektoral.