Ogerta Manastirliu, drejtuesja politike e PS Tiranë, vizitoi sot familjet e prekura nga zjarri që përfshiu pallatin pranë Farmacisë 10 në Tiranë.
E shoqëruar nga deputetë të PS dhe drejtues të Bashkisë Tiranë, ajo garantoi banorët se institucionet janë të angazhuara plotësisht për t’u qëndruar pranë dhe për të ofruar zgjidhje konkrete në kohë të shpejtë.
Manastirliu theksoi angazhimin politik, institucional dhe njerëzor. Bashkia Tiranë ka filluar punën dhe Këshilli Bashkiak do të mblidhet së shpejti për të miratuar bonuset e qirasë, pa vonesa administrative. Prioritet mbetet siguria dhe rikthimi në normalitet i familjeve të prekura.
Procesi i vlerësimit të dëmeve po kryhet në mënyrë të detajuar nga institucionet dhe grupet e ekspertizës. Dëmshpërblimi do të finalizohet shpejt, bazuar në aktet nënligjore, me vlerësime rast pas rasti. Deputetët e Tiranës do të ndjekin proceset për të shmangur vonesat.
Paralelisht, kanë nisur hetimet për të përcaktuar përgjegjësitë lidhur me ngjarjen.