Manchester City fitoi me rezultat 2-0 ndaj Wolves në ndeshjen e zhvilluar në Etihad, në kuadër të javës së 23-të të Premier League.
Vendasit diktuan ritmin e lojës që në fillim. Në minutën 6, Omar Marmoush kaloi City-në në avantazh pas një harkimi nga Nunes. Manchester City vazhdoi të ushqrojë presion, duke krijuar raste përmes Antoine Semenyo-s dhe Cherki-t, por pa arritur të shënojnë menjëherë.
Golin e dytë e realizoi Antoine Semenyo në minutën 45+2, pas asistimit të Bernardo Silva-s, duke lënë portierin José Sá të pafuqishëm. Pjesa e dytë u zhvillua me ritëm më të ulët, me City-në që mbajti posedimin dhe Wolves-in që u mbështet në kundërsulme sporadike pa rrezik real.
Me tre pikët e marra, Manchester City ngjitet në vendin e dytë me 46 pikë, duke ngushtuar diferencën me Arsenal-in në katër pikë. Wolves mbetet në fund të tabelës me vetëm 8 pikë, duke thelluar krizën për mbijetesë.
Përditësime
Manchester City nuk kishte fituar në 4 ndeshjet e fundit të Premier League para kësaj ndeshjeje.
- Humbje të fundit ndaj Manchester United dhe Bodo/Glimt.
- Debutim i blerjes së re Guehi.
- Marmoush u rikthye nga Kupa e Afrikës; Haaland u la në stol.
- Në minutën 35: Marmoush goditi shtyllën.
- VAR kontrolloi prekje dore nga Mosquera; pa penalti.