Klubi i Manchester Cityt po shqyrton mundësinë e një investimi të konsiderueshëm për të forcuar repartin ofensiv, duke vënë në shënjestër Vinicius Junior. Oferta e planifikuar prej 150 milionë eurosh vjen në një moment të pasigurt për të ardhmen e lojtarit në kryeqytetin spanjoll.
Sipas informacioneve, pengesë për rinovimin e kontratës janë bërë kërkesat e brazilianit, i cili kërkon një pagë vjetore neto prej 30 milionë eurosh, shifër kjo që nuk është pranuar nga presidenti Florentino Perez. Situata është komplikuar më tej pas afrimit të Kylian Mbappe te Real Madridi, zhvillim ky që thuhet se ka ndikuar në rolin dhe kënaqësinë e Vinicius Junior brenda ekipit.
Në aspektin sportiv, trajneri Enzo Maresca, i cili ka marrë drejtimin e ekipit pas largimit të Pep Guardiolës, ka hartuar një projekt që e sheh Vinicius Junior si lider të sulmit. Ai synon krijimin e një tresheje me Erling Haaland dhe Rayan Cherki. Kjo lëvizje vjen si pjesë e strategjisë së Manchester Cityt për të rikthyer dominimin në Ligën Premier dhe në Evropë, pas dy sezonesh ku ekipi nuk ka arritur të fitojë titullin kampion në Angli.