Mandati pesëvjeçar i drejtorit të Agjencisë së Kosovës për Inteligjencë (AKI), Petrit Ajeti, po afrohet drejt fundit. Ai u emërua në këtë detyrë më 15 prill 2021 nga presidentja Vjosa Osmani dhe kryeministri Albin Kurti, siç parashikohet nga ligji për AKI-në.
Sipas legjislacionit, mandati mund t’i vazhdohet një herë ose presidentja së bashku me kryeministrin duhet të emërojnë një drejtor të ri brenda 20 ditëve pune nga dita kur pozita mbetet bosh. Zyrat e presidentes dhe kryeministrit nuk kanë dhënë përgjigje për këtë çështje për disa ditë.
Raportet e përkeqësuara mes Vjosa Osmanit dhe Albin Kurtit mund të krijojnë pengesa në proces. Kryetari i komisionit parlamentar për mbikëqyrjen e AKI-së, deputeti i LDK-së Anton Quni, e cilëson situatën shqetësuese.
Ai shpjegon se ligji parashikon emërim të përbashkët dhe çdo mospajtim mes dy krerëve të shtetit mund të çojë në bllokadë ose në lënien e posti me ushtrues detyre, gjë që nuk është ideale për sigurinë. Quni thekson se raportet e acaruara mes presidentes dhe kryeministrit prodhojnë një ngërç institucional në krye të AKI-së, pasi ligji kërkon bashkëpunim të plotë.