Sipas buletinit të fundit të Institutit të Shëndetit Publik (ISHP) mbi ecurinë e sëmundjeve akute infektive, gjatë muajit korrik në Maqedoninë e Veriut u identifikuan 11 raste të reja me HIV/AIDS. Të dhënat konfirmojnë se pacientët i përkasin grupmoshës 20 deri në 49 vjeç, ndërsa në raport me gjininë, 9 prej tyre janë meshkuj dhe 2 janë femra.
Nga viti 1987 e deri në vitin 2026, në vend janë evidentuar gjithsej 765 persona të infektuar me këtë virus. Prej këtij numri, 141 persona kanë ndërruar jetë, 508 të tjerë jetojnë me virusin, ndërsa 116 persona konsiderohen të humbur për ndjekje nga shërbimet shëndetësore.
Krahas HIV/AIDS, muaji korrik solli raportime edhe për infeksione të tjera seksualisht të transmetueshme dhe të gjakut:
• 7 raste të sifilizit
• 4 raste të hepatitit viral B
• 1 rast të gonorresë
• 1 rast të infeksionit me klamidia
• 1 rast të hepatitit viral C
Në lidhje me situatën epidemiologjike, Koordinatorja Kombëtare për HIV, Milena Stevanoviq, theksoi rëndësinë e testimit të hershëm si mjeti kryesor për të arritur objektivin e eliminimit të HIV-it deri në vitin 2030. ISHP rekomandon sjellje të përgjegjshme, përdorimin e vaksinave kundër HPV-së dhe hepatitit B, si dhe ndalimin e vetëmjekimit me antibiotikë pa rekomandim mjekësor. Për krahasim, në vitin 2025 u shënuan gjithsej 38 raste të reja, duke treguar një ecuri që mbetet në nivele më të favorshme krahasuar me mesataren e vendeve të Bashkimit Evropian.
Përditësime
Të dhënat zyrtare tregojnë se nga totali i 765 personave të regjistruar me HIV/AIDS në Maqedoninë e Veriut, 141 pacientë kanë ndërruar jetë. Aktualisht, 508 persona jetojnë me këtë virus. Mes rasteve të reja të regjistruara në korrik, autoritetet raportuan një person të prekur të moshës 20-vjeçare.
Të dhënat e fundit nga ISHP konfirmojnë se 11 rastet e reja të regjistruara gjatë muajit korrik përbëhen nga 9 meshkuj dhe 2 femra. Mosha e pacientëve të prekur varion nga 20 deri në 49 vjeç.