Në Maqedoninë e Veriut, 31-vjeçarja Rosica Koçeva u vra bashkë me babanë e saj pranë shtëpisë në Veles nga ish-partneri Ilija Stefanovski. Ngjarja ndodhi pas mesazheve kërcënuese si “Ose e imja, ose e vdekur”. Stefanovski kishte marrë dënim me kusht dhe masë ndalese për t'iu afruar, të cilën nuk e respektoi. Pas vrasjes dyfishtë, ai kreu vetëvrasje. Policia e ka dokumentuar rastin si femicid.
Koçeva kishte denoncuar disa herë dhunën dhe kërcënimet ndaj saj, prindërve dhe shoqeve, por institucionet nuk e trajtuan seriozisht rastin.
Bilanci për pesë vite: 26 gra të vrara
- 2025: 6 gra, përfshirë Koçevën.
- 2024: 5 gra, dy me denoncim paraprak për dhunë në familje.
- 2023: 9 viktima, tre lidhur me dhunë familjare.
- 2022: 2 gra.
- 2021: 4 raste.
Në 2023, Maqedonia e Veriut renditej e treta në Evropë për femicide sipas Eurostatit, me 6 për një milion banorë, pas Lituanisë dhe Letonisë.
Njohja ligjore e femicidit
Femicidi kualifikohet kur vrasja lidhet me gjininë e viktimës. Edhe pse termi nuk përdoret në Kodin Penal, në 2023 neni 123 u plotësua me paragrafin 2-a, duke sanksionuar vrasjen e gruas ose vajzës për arsye gjinore. Maqedonia është ndër shtetet e para në rajon që e njeh ligjërisht femicidin.