Marvin Çuni, sulmuesi 24-vjeçar shqiptar, po kërkon klub të ri gjatë afatit kalimtar të janarit. Ai është i huazuar te Sampdoria në Serie B nga klubi rus Rubin Kazan.
Sulmuesi nuk e ka gjetur veten te skuadra italiane dhe planifikon të bëjë ndryshim gjatë kësaj merkatoje. Mediat italiane raportojnë se Bari, po në Serie B, ka shprehur interes për të.
Këtë sezon, Çuni ka luajtur 14 ndeshje, ku ka shënuar një gol dhe ka dhënë një asist. Largimi i tij nga Sampdoria pritet të mbetet brenda futbollit italian.