Mbi 160 persona u ndaluan në qendër të Milanos brenda katër orësh, pas trazirave dhe akteve të vandalizmit të raportuara gjatë orëve të fundit. Sipas të dhënave paraprake të autoriteteve italiane, rreth 80 për qind e të ndaluarve janë të mitur.
Përleshjet dhe dëmet më të mëdha u regjistruan në Via Torino, një nga rrugët tregtare më të frekuentuara të qytetit. Grupe të mëdha të rinjsh sulmuan biznese lokale, hodhën tavolina e karrige dhe goditën fasadat e vitrinat e dyqaneve të veshjeve dhe këpucëve. Koshat e mbeturinave u tërhoqën dhe u përmbysën në rrugët kryesore.
Sipas mediave italiane, disa grupe hynë me forcë në ambiente tregtare dhe shkaktuan dëme materiale. Për shkak të situatës dhe si masë paraprake sigurie, autoritetet mbyllën stacionin qendror të metrosë në Piazza Duomo.
Lajmi.net, Zeri dhe Gazeta Blic raportojnë se ndaj të miturve të ndaluar pritet të nisë ndjekja penale për shkaktim dëmesh materiale dhe rezistencë të dhunshme ndaj forcave të rendit. Mapo thotë se ndjekja penale mund të ngrihet.
Disa pjesëtarë të policisë u lënduan gjatë përleshjeve të një dite më parë. Sipas raportimeve, në prononcime për mediat vendase ata theksuan nevojën për marrjen e masave për të garantuar sigurinë e qytetarëve dhe turistëve në qytet.