Prej 38 ditësh, në Tiranë zhvillohen protesta të përditshme kundër qeverisë. Sipas gazetës belge Nieuwsblad, revolta e njohur si Revolucioni i Flamingove ka nisur si reagim ndaj një projekti turistik në zonën e Zvërnecit.
Sipas medias belge, Zvërneci është një rezervat natyror me rëndësi për popullatën e flamingove në Evropë. Protestuesit kanë përdorur simbolin e këtij shpendi për të artikuluar pakënaqësitë. Në ditën e 35-të të protestës, lëvizja shënoi pjesëmarrjen më të lartë, me dhjetëra mijëra qytetarë të pranishëm.
Nieuwsblad thekson se kërkesat e protestuesve kanë evoluar nga shqetësimet mjedisore drejt dorëheqjes së kryeministrit Edi Rama. Media belge evidenton se në bazë të pakënaqësisë qëndrojnë hetime mbi ndryshimet ligjore të miratuara në vitin 2024, të cilat lehtësojnë zhvillimet turistike në rezervatet natyrore. Përtej çështjeve mjedisore, raportimi përmend se protestuesit kanë ngritur pretendime për korrupsion, përqendrim të pushtetit dhe probleme me proceset zgjedhore gjatë viteve të qeverisjes së kryeministrit Rama.