Kosova luan të martën mbrëma ndaj Turqisë në finalen e plejofit evropian për kualifikim në Kupën e Botës në futboll. Ndeshja zhvillohet në stadiumin Fadil Vokrri në Prishtinë. Kosova është njëra prej tetë kombëtareve që kanë arritur në këtë fazë.
Mediat ndërkombëtare i kanë dhënë jehonë ngjarjes, duke theksuar mundësinë historike të Kosovës.
Raportimet kryesore
- Reuters shkruan: “Kosova e vogël kërkon historinë e Kupës së Botës me ndeshjen vendimtare kundër Turqisë”. Agjencia përshkruan rritjen graduale të ekipit dhe arritjen në finale, shkrim i përcjellë nga mediume të shumta.
- The Guardian vlerëson: “Çdo gjë është e mundur për Kosovën”.
- Në mediumin spanjoll AS, autori Alex Torres titullon: “Ndeshja që Fadil Vokrri duhej ta shihte”. Ai thekson rolin e ish-presidentit të Federatës së Futbollit të Kosovës, legjendës Vokrri, dhe shkruan: “Nesër Kosova përballet me Turqinë, me dijeninë që fitorja i siguron një vend në Kupën e Botës. Do të luajë në stadiumin që mban emrin e Fadil Vokrrit. Është trishtueshme që ai nuk do të jetë aty për ta parë, por kujtimi i tij do të mbetet i gjallë tek spektatorët. Asgjë nuk do të ishte e mundur pa të”.
- Revista gjermane Kicker raporton për bonusin e premtuar nga Qeveria e Kosovës: 1 milion euro për fitore në finale, me mundësi për shpërblime të tjera.
- Corriere dello Sport e quan Kosovën “një tjetër përrallë ballkanike”, duke përmendur rrënjët, largimet, rikthimet dhe fëmijët e shpërndarë në Evropë, si dhe yjet që luajnë ose kanë luajtur në Itali.
Mediumet kryesore turke kanë dërguar ekipe gazetarësh në Kosovë për të ndjekur përfaqësueset e të dyja vendeve. Ndeshja pritet me interes të madh në Turqi dhe vende të tjera.
Përditësime
- Finalja Kosovë–Turqi nis në orën 20:45.
- Botërori 2026 zhvillohet në SHBA, Kanada dhe Meksikë.
- Turqia synon kthimin në Botëror pas 24 vjetësh, pas vendit të 3-të në 2002.
- Kosova luajti ndeshje miqësore që në 2014 dhe u pranua në UEFA dhe FIFA në 2016.
- Ngritja e Kosovës vazhdoi me ardhjen e trajnerit Franco Foda.
BBC: "Kosova në eufori ndërsa ëndërron historinë e Kupës së Botës".
Corriere dello Sport përmend lojtarët Muric dhe Zhegrova, sipas Koha.net.
Mediat botërore mbulojnë finalen e Kosovës ndaj Turqisë për Botëror.
Gjykata Speciale konfirmoi se krerët e UÇK-së në Hagë mund ta ndjekin ndeshjen përmes TV-së të përbashkët dhe personale me kanale shqip.
Zhvillime të tjera:
- BBC raporton detaje historike: ndeshja e parë në 2014 kundër Haitit 0-0, e dyta kundër Turqisë 1-6, WCQ 2016 me 9 humbje, Euro 2020 kundër Anglisë 3-5, renditja 78-e.
- Corriere përmend fitoren 4-3 ndaj Sllovakisë.
Gjykata Speciale deklaroi: „Të akuzuarit kanë qasje në një televizor të përbashkët dhe secili prej tyre një televizor personal. Të gjitha ofrojnë kanale në gjuhën shqipe. U takon atyre të vendosin nëse dhe çfarë të shikojnë."