Deputeti Fatmir Mediu zhvilloi takime në Uashington D.C. me disa kongresmenë amerikanë, ku ngriti shqetësime për korrupsionin, krimin e organizuar dhe mungesën e zgjedhjeve të lira në Shqipëri.
Në bisedime morën pjesë:
- Ronny Jackson nga Komiteti i Sigurisë dhe Inteligjencës, kryetar i Nënkomisionit për Inteligjencën dhe Operacionet Speciale;
- Pete Sessions, kryetar i Nënkomitetit për Kontrollin e Operacioneve Qeveritare;
- Robert Aderholt, bashkëkryetar i Grupit për Shqipërinë;
- Michael Cloud nga Komiteti për Mbikqyrjen dhe Buxhetin;
- Kevin Hern, kryetar i Komitetit Republikan për Politikat;
- John Moolenaar, kryetar i Komitetit Special për Kinën;
- Keith Self, kryetar i Komitetit për Europën.
Diskutimet u zhvilluan në vazhdim të seancës dëgjimore të organizuar tre muaj më parë për Ballkanin dhe Shqipërinë, ku Mediu kishte qenë bashkëorganizator dhe pjesëmarrës në Forumin Vjetor të Sigurisë.
Sa i përket rajonit, Mediu theksoi rritjen e shpenzimeve ushtarake nga Serbia në bashkëpunim me Kinën dhe Russinë, si dhe provokimet e vazhdueshme kundër Kosovës dhe stabilitetit në Ballkan.
Ai bëri thirrje për forcimin e bashkëpunimit mes vendeve të NATO-s në rajon, përmes analizës dhe partneritetit ushtarak e politik në koordinim me NATO-n, për të mbrojtur nga çdo provokim destabilizues.