Gjatë protestës së zhvilluar ditën e sotme, aktori Mehdi Malkaj iu drejtua qytetarëve me një fjalim kritik ndaj qeverisë. Ai shprehu mbështetjen e tij për protestuesit dhe kërkoi pjesëmarrje të vazhdueshme në tubimet para Kryeministrisë.
Në fjalën e tij, Malkaj ironizoi qeverinë, duke deklaruar se frika e tyre është aq e madhe saqë i numërojnë protestuesit çdo ditë. Ai u shpreh se qytetarët duhet të vazhdojnë presionin, duke theksuar: "Këta idiotët kanë kaq frikë sa na numërojnë ditë për ditë se sa jemi. Jo vetëm të dorëhiqet, por të heqim edhe dorëvënien".
Aktori deklaroi se do të vijojë të jetë i pranishëm në shesh sa herë që angazhimet e tij profesionale t'ia mundësojnë këtë. Ai e mbylli fjalimin e tij me një parashikim mbi fundin e kësaj qeverie, duke u shprehur: "O nëne nëne si do ikin këta… Do ikin me brekë nëpër këmbë".
Malkaj theksoi gjithashtu rëndësinë e solidaritetit mes qytetarëve, duke u bërë thirrje të gjithë atyre që kanë mundësi t'i bashkohen protestës, si një mënyrë për të arritur ndryshimin e kërkuar.
Përditësime
Protesta kundër qeverisë hyri sot në ditën e saj të 85-të. Tubimi nisi fillimisht në sheshin Skëndërbej, përpara se qytetarët të zhvillonin një marshim drejt Kryeministrisë.