Aktori i mirënjohur Mehdi Malkaj iu drejtua qytetarëve të pranishëm në protestën e mbajtur përpara godinës së Kryeministrisë. Në mesazhin e tij, aktori u ndal te marrëdhënia e qytetarëve me forcat politike, duke e cilësuar si një ves të dëmshëm prirjen e shqiptarëve për të rënë në dashuri me partitë.
Duke bërë thirrje për pavarësi nga ndikimet partiake, Malkaj u kërkoi protestuesve që të bashkohen mbi baza qytetare dhe të lirë nga identitetet politike. Në fjalën e tij, ai u shpreh: “Ne shqiptarët kemi një ves të keq, biem në dashuri me partitë. Hiqini partitë! Është turp i madh! Një filozof i madh kur e pyetën për partitë, tha se janë grupe të organizuara hajdutësh që vjedhin popullin e vet!”.
Fjalimi i aktorit u shoqërua me duartrokitje nga turma e pranishme në shesh.