Meliza Haradinaj, ish-ministre e Punëve të Jashtme të Kosovës, kritikoi kryeministrin e Shqipërisë, Edi Rama, për qëndrimet e tij ndaj Kosovës. Sipas saj, veprimet e Ramës, veçanërisht gjatë viteve të fundit, nuk u kanë shërbyer interesave shqiptare.
Duke folur për zhvillimet në veri të Kosovës dhe sulmet e grupeve kriminale, Haradinaj tha se kishte pritur më shumë mbështetje nga kryeministri shqiptar. Ajo iu referua incidenteve dhe sulmeve të ndodhura vetëm pak vite më parë, të cilat ia atribuoi bandave kriminale të Vuçiqit.
Haradinaj tha se pritshmëritë ndaj Ramës shkonin përtej solidarizimit simbolik. Sipas saj, pritej mbështetje për Kosovën si shtet anëtar i NATO-s. Ajo vlerësoi se qëndrimi i Ramës në ato rrethana nuk u kishte shërbyer interesave shqiptare.
Haradinaj tha gjithashtu se mënyra se si një udhëheqës u qaset interesave kombëtare lidhet me aftësinë e tij për t’u shërbyer qytetarëve të vendit që drejton. Ajo theksoi se një lider që nuk është i dobishëm për kombin nuk mund t’u shërbejë as qytetarëve të vet.