Deputeti i Partisë Demokratike të Kosovës (PDK), Mërgim Lushtaku, përmes një postimi në rrjetin social Facebook, theksoi domosdoshmërinë e gatishmërisë për mbrojtjen e shtetit. Sipas tij, në rast të një sulmi, institucionet dhe qytetarët duhet të veprojnë për të mbrojtur Republikën e Kosovës në çdo situatë.
Lushtaku e cilësoi si zhvillim shqetësues afrimin e trupave serbe pranë kufirit me Kosovën, duke e konsideruar këtë periudhë si vendimtare. Ai reagoi ndaj atyre që i quajti keqinterpretime dashakeqe, duke theksuar se këto veprime nuk i shërbejnë interesave të shtetit. Gjithashtu, deputeti kritikoi deputetët e pushtetit, duke i akuzuar ata se po përhapin informacione të pavërteta për të mbështetur një agjendë të caktuar.