Meteorologu Hakil Osmani shpjegoi në një lidhje për Euronews Albania parashikimin e motit për javën.
Sipas tij, deri ditën e martë në orët e mesditës, moti do të jetë i qëndrueshëm me intervale të gjata kthjellimesh dhe kalime të shpeshta vranësirash.
Evoluimi i reshjeve
Gjatë orëve të vona të së martës priten vranësira të larta, me reshje shiu kryesisht në zonat jugore. Reshjet do të vazhdojnë të mërkurën dhe pjesërisht të enjten, po në jug, si dhe me dëborë në zonat e thella malore.
Këto reshje do të kenë intensitet mesatar dhe nuk do të jenë problematike. Sinjalet tregojnë përmirësim të kushteve të motit në zonat jugore, ndërsa zonat e tjera mbeten me mot të qëndrueshëm.
Dita e premte dhe e shtuna sjellin përmirësim të përkohshëm, ndërsa të dielën priten sinjale për rikthimin e reshjeve në vend. Sinjale për reshje priten gjithashtu gjatë javës së fundit të këtij muaji.
Temperaturat
Temperaturat do të jenë relativisht të larta në fillim, por do të rënie gradualisht. Masa ajrore të lagështa do të rrisin temperaturat në mesjavë, ndërsa në fundjavë ato do të ulen në rreth -1 deri në -2 gradë Celsius, kryesisht në orët e mëngjesit.