Izet Mexhiti, bashkëkryetar i VLEN-it, deklaroi më 26 tetor në emisionin “Debat në Shenja” se moszbatimi i ligjit për përfaqësim të drejtë dhe adekuat mund të sjellë përgjegjësi politike dhe të çojë në shkarkimin e funksionarëve përgjegjës.
Mexhiti tha se zbatimi i ligjit është në frymën e Marrëveshjes së Ohrit, Kushtetutës dhe politikave të Qeverisë. Ai përmendi kryetarin e Kuvendit dhe presidentin si shembuj të zyrtarëve që duhet ta zbatojnë ligjin.
“Do të ketë përgjegjësi politike. Nuk është në frymën e Marrëveshjes së Ohrit, në frymën e Kushtetutës, nuk është në frymën e Qeverisë. Do të shkarkohet. Si shkarkohet kryetari i Kuvendit nëse nuk e zbaton këtë ligj. Shembull, edhe presidenti. Presidenti duhet t’i ruajë ligjet, nuk mund t’i shkelë ligjet”, u shpreh Mexhiti.
Ai shtoi se përgjegjësia ndryshon sipas rrethanave: një rast është kur ligji nuk shkelet, ndërsa një tjetër kur zyrtari e ka ligjin në dispozicion, është i vetëdijshëm për të dhe kryen shkelje që sjell pasoja juridike dhe politike.