Luka Modrić ka zhvilluar 2 144 minuta në 28 ndeshje mes Serie A-së, Kupës së Italisë dhe Superkupës, duke u bërë element i rëndësishëm në skemat e trajnerit Massimiliano Allegri te Milani.
Pavarësisht moshës, mesfushori kroat ofron stabilitet në fushë dhe eksperiencë jashtë saj. Ai erdhi verën e kaluar nga Reali i Madridit me parametra zero dhe ka përmbysur pritshmëritë skeptike fillestare për gjendjen e tij fizike.
Modrić ka nënshkruar kontratë njëvjeçare me opsion rinovimi për një sezon tjetër, i cili aktivizohet vetëm nga vetë lojtari. Drejtuesit, trajneri, shokët e ekipit dhe stafi në Milanello po bëjnë përpjekje për ta bindur atë të qëndrojë.
Kroati ndihet mirë në Milano dhe është i integruar plotësisht, por rezervon vendimin përfundimtar për fundin e sezonit ose periudhën para Botërorit 2026. Kualifikimi i Milanit në Champions League mund të jetë faktor vendimtar, së bashku me gjendjen fizike dhe motivimet.
Sipas mediave italiane, situata ngjan me rinovimin e portierit Mike Maignan, ku të gjithë në skuadër mbështesin vazhdimin e bashkëpunimit me Modrić.