Ervin Demo, ministër i Shtetit për Pushtetin Vendor, foli më 19 mars pas mbledhjes së Këshillit të Ministrave, ku u morën vendime të rëndësishme.
Ai shpjegoi ecurinë e projekteve qeveritare, duke përmendur Paketën e Maleve. “Po ecën me ritme të shpejta, në disa bashki është gati të vijohet me procedurat për trajtimin e kërkesave”, tha Demo.
Sa i përket Reformës Territoriale, ministri theksoi përgjegjësinë e mazhorancës. “Mazhoranca ka përgjegjësinë për të ofruar zgjidhje e për të çuar përpara reformat”, deklaroi ai.
Demo njoftuan se Komisioni i posaçëm për Reformën Territoriale u mbledh gjatë kësaj jave. Javën tjetër do të nisin takimet me të ftuarit e parë, mes të cilëve do të jetë vetë ai. “Komisioni e ka gjithë kohën para për të bërë punën. Jam besimplotë që komisioni do të ecë përpara dhe ka mjaftueshëm argumente që palët të adresojnë”, u shpreh ministri.
Ai theksoi hapjen e mazhorancës. “Jemi si mazhorancë shumë të hapur që të jetë një reformë që përfshin të gjitha palët”, tha Demo.