Andin Hoti, ministër i Ministrisë për Punë, Familje dhe Vlerat e Luftës Çlirimtare, u takua me shefjen e UNICEF-it në Kosovë, Veronika Vashchenko, dhe specialistin për Politika Sociale në UNICEF, Dren Rexha.
Gjatë takimit u diskutuan prioritetet e ministrisë në fushën e punësimit, mbrojtjes sociale dhe shërbimeve për fëmijët dhe familjet, si dhe drejtimet e përbashkëta në kuadër të Programit të UNICEF-it 2026–2030.
Ministri Hoti theksoi se në fokus të ministrisë është ndërtimi i një sistemi funksional dhe të qëndrueshëm të shërbimeve sociale, që i përgjigjet realisht nevojave të fëmijëve dhe familjeve, veçanërisht atyre më të cenueshme.
"Në fokus të Ministrisë për Punë, Familje dhe Vlerat e Luftës Çlirimtare është ndërtimi i një sistemi funksional dhe të qëndrueshëm të shërbimeve sociale, që i përgjigjet realisht nevojave të fëmijëve dhe familjeve, veçanërisht atyre më të cenueshme", u shpreh ai.
Ministri Hoti falënderoi UNICEF-in për mbështetjen e deritanishme dhe theksoi se bashkëpunimi do të fokusohet në rezultate konkrete dhe të matshme në terren.