Ministri për Evropën dhe Punët e Jashtme, Ferit Hoxha, ka publikuar një bilanc të veprimtarisë së tij diplomatike pas katër muajsh në krye të institucionit. Përmes një reagimi, ai vlerësoi se pozicioni ndërkombëtar i Shqipërisë ka shënuar përmirësime historike, duke u vlerësuar si një partner serioz nga aleatët dhe vendet anëtare të Bashkimit Evropian.
Sipas ministrit, ky konstatim mbështetet në dhjetëra takime, ministeriale dhe forume ndërkombëtare të zhvilluara gjatë kësaj periudhe me zyrtarë, diplomatë dhe ekspertë. Hoxha theksoi se emri i vendit sot lidhet gjithnjë e më shumë me lirinë, suksesin, zhvillimin, turizmin dhe mikpritjen.
Ai shtoi se marrëdhëniet dypalëshe dhe shumëpalëshe janë konsoliduar, duke i mundësuar Shqipërisë një zë më të fortë në diplomaci. Ministri nënvizoi gjithashtu se vendi ndodhet në rrugën drejt realizimit të objektivit strategjik, që është anëtarësimi në Bashkimin Evropian.
Përditësime
Ministri i ri i Shtetit, Ferit Hoxha, i cili mori detyrën më 6 mars në vend të Elisa Spiropalit, bëri thirrje për një bashkëpunim kombëtar përtej ndasive politike. Duke vlerësuar zhvillimet e dekadës së fundit, Hoxha nënvizoi se Shqipëria gëzon aktualisht nivelin më të lartë të respektit ndërkombëtar, krahasuar me periudhën e qeverisjes së Sali Berishës.