Ministri i Jashtëm i Izraelit Gideon Sa’ar deklaroi se vendi i tij ka dhënë një goditje të rëndë armiqve në Iran, por nuk mund të garantojë se kjo do të jetë lufta e fundit.
Ai e shprehu këtë në një mesazh në rrjetin shoqëror X, në prag të festës së Pashkës. Sa’ar theksoi se "nuk ka liri pa vullnetin për ta mbrojtur atë".
Ministri përmendi se Izraeli u përball me rrezikun e asgjësimit. Ai shtoi se armiqtë, para së gjithash regjimi i Ajatollahut në Iran, kishin hartuar një plan eliminimi.
"Vendimet historike që morëm në Kabinetin e Sigurisë në qershor 2025 dhe shkurt 2026 ishin vendime që synonin heqjen e kërcënimit të asgjësimit që i kanosej popullit hebre në atdheun e tyre", deklaroi Sa’ar, duke iu referuar sulmeve ndaj Iranit.