Ministri në detyrë i Shëndetësisë, Arben Vitia, priti në një takim zyrtar ambasadorin e Belgjikës në Kosovë, Grégoire Cuvelier. Fokus i bisedimeve ishte analiza e prioriteteve aktuale në sektorin e shëndetësisë dhe identifikimi i fushave për intensifikimin e bashkëpunimit ndërmjet dy vendeve.
Gjatë takimit, ministri Vitia shprehu mirënjohjen për mbështetjen e vazhdueshme që Belgjika i ka ofruar sistemit shëndetësor kosovar. Ai vlerësoi se thellimi i bashkëpunimit është thelbësor për forcimin e sistemit dhe ngritjen e cilësisë së shërbimeve për qytetarët.
Nga ana e tij, ambasadori Cuvelier konfirmoi përkushtimin e shtetit të tij për të përkrahur iniciativat që kontribuojnë në zhvillimin dhe modernizimin e sektorit të shëndetësisë në Kosovë.