Ministria e Mbrojtjes ruse paralajmëroi se planet e vendeve evropiane për të rritur prodhimin e dronëve për Ukrainën po i tërheqin ato në luftë me Rusinë.
Ministria publikoi një listë me adresa të industrive dhe ndërmarrjeve në Britani, Gjermani, Spanjë, Itali, Poloni dhe Izrael, të cilat prodhojnë mjete ajrore pa pilot ose komponentë për Ukrainën. Deklarata thekson se qytetarët evropianë duhet të kuptojnë shkaqet e kërcënimeve për sigurinë e tyre dhe vendndodhjet e këtyre objekteve.
Ish-presidenti rus dhe zëvendëskryetari i Këshillit të Sigurisë, Dmitry Medvedev, reagoi në platformën X duke thënë se lista është ekuivalente me objektiva të mundshme për forcat e armatosura ruse. "Kur sulmet do të bëhen realitet varet nga ajo që vjen më pas. Flini mirë, partnerë evropianë", shkroi ai.
Kjo vjen në kontekstin e rritjes së tensionëve për mbështetjen ushtarake ndaj Ukrainës. Presidenti Volodymyr Zelenskyy ka kërkuar vazhdim të ndihmës nga vendet evropiane, veçanërisht për sistemet e mbrojtjes ajrore si Patriot, si dhe një paketë financiare prej 90 miliardë eurosh nga Bashkimi Europian për prodhim të përbashkët armësh.
Zyrtarët rusë kanë bërë komente të ngjashme në të kaluarën, të cilat perceptohen si paralajmërime ndaj mbështetjes evropiane për Ukrainën, por zakonisht marrin formën e aludimeve në vend të njoftimeve të drejtpërdrejta.
Përditësime
Republika Çeke ka kërkuar shpjegim zyrtar nga Rusia për listën e fabrikave dhe kërcënimet e Dmitry Medvedev, të publikuar nga Ministria ruse më 15 prill.