Më 28 shkurt 2026, opozita, me Partinë Demokratike në krye, zhvilloi një marsh proteste në rrugët e Tiranës. Atje u regjistruan incidente, si hedhja e molotovëve dhe gurëve drejt kordonit policor, si dhe djegia e koshave të mbeturinave pranë godinës së Policisë së Shtetit.
Ministrja e Brendshme në detyrë Albana Koçiu reagoi në rrjetet sociale, duke e kualifikuar veprimin si provokim të hapur. Ajo shkroi: "Të shkosh me molotovë në duar drejt godinës së Policisë së Shtetit nuk është një akt proteste, por një provokim i hapur dhe një dëshirë e ethshme për përshkallëzim, duke tentuar të delegjitimohet forca e ligjit përballë presionit të rrugës".
Koçiu theksoi se protestuesit marshojnë si çlirimtarë, ndërkohë që shqiptarët i kanë lënë jashtë politikës me votë. Ajo e ironizoi liderin e PD-së Sali Berishën, duke e quajtur "Don Kishot që grindet me koshat e mbeturinave si me mullinjtë e erës", i cili ka kthyer partinë e parë pluraliste në një repart zjarrvënësish.
Sipas saj, ky zjarr nuk djeg asnjë reformë dhe as të ardhmen europiane të Shqipërisë, por vetëm mbetjet e fundit të një opozite që nuk di më se kush është, ku shkon dhe pse bën zë.
Marshimi krijoi kaos në kryeqytet, me objektiva godinat e institucioneve kryesore dhe prani të forcave të policisë, përfshirë snajperistë në tarracën e Kryeministrisë.
Përditësime
Policia përdorën gaz lotsjellës pranë Drejtorisë së Policisë, ku një protestues u ndie keq.
Protestuesit u zhvendosën drejt Parlamentit dhe hodhën përsëri kokteje molotov.
Kryeministri Edi Rama deklaroi: «Opozita me plehrat kundër qytetarëve të Tiranës».