Ministrja aktuale në Qeverinë e Serbisë, Snezhana Paunoviq, është përfshirë në një çështje lidhur me përfitime financiare të dyshimta. Përpara emërimit të saj në kabinetin qeveritar në vitin 2025, ajo ka ushtruar paralelisht funksionin e deputetes dhe atë të drejtoreshës së Institucionit Farmaceutik Pejë në Kosovë.
Sipas dokumenteve të analizuara, ky institucion u shua zyrtarisht me vendim të Qeverisë së Serbisë në vitin 2021. Kërkesa për heqjen e institucionit nga regjistri zyrtar është dorëzuar nga vetë Paunoviq.
Pavarësisht mbylljes së subjektit, pagesat për pozitën e drejtoreshës nuk u ndërprenë. Gjatë periudhës 11-vjeçare në krye të këtij posti, Paunoviq ka përfituar në total rreth 146 mijë euro nga buxheti i shtetit të Serbisë. Kjo situatë ka ngritur pikëpyetje mbi rregullsinë e përfitimeve financiare të marra pas vitit 2021, kur institucioni në fjalë kishte pushuar së ekzistuari.