Trajneri i Kombëtares së Turqisë, Vincenzo Montella, ka përgatitur një plan të veçantë për mesfushorin ofensiv Arda Güler në prag të finales së play-off-it për kualifikimin në Kupën e Botës 2026 kundër Kosovës.
Arda Güler pritet të ketë një rol të lirë në repartin ofensiv, kryesisht në krahun e djathtë, me detyrë për t'u futur në qendër, për të qenë vendimtar në ndërtimin e aksioneve dhe në pasimet e fundit.
Sipas raporteve nga mediat turke, Montella ka zhvilluar biseda individuale me lojtarin për ta motivuar që të marrë përgjegjësi në këtë përballje vendimtare.
Forma e mirë e Güler në ndeshjet jashtë fushe e bën atë një nga armët kryesore të Turqisë. Në 7 paraqitjet e fundit si mysafir, ai ka kontribuar me 4 gola dhe 3 asistime.
Ky ballafaqim zhvillohet të martën në stadiumin Fadil Vokrri në Prishtinë.