Arda Güler, mesfushori i Real Madridit dhe i kombëtares turke, foli në prag të ndeshjes vendimtare ndaj Kosovës në finalen e playoff-it për kualifikim në Kupën e Botës 2026.
Ai theksoi se fokusi i vetëm i skuadrës është sigurimi i biletës për Botëror. “Objektivi ynë i vetëm dhe kryesor është të kualifikohemi në Kupën e Botës. Ne shpresojmë t’i bëjmë tifozët tanë të lumtur”, deklaroi Güler.
Güler rikujtoi mungesën e gjatë të Turqisë në këtë kompeticion. “Unë s’kam qenë as i lindur kur kemi marrë pjesë në Kupën e Botës për herë të fundit, por e di se sa i rëndësishëm është Botërori për vendin tonë”, shtoi ai, duke iu referuar edicionit të 2002-s.
Pas eliminimit nga Kampionati Evropian, skuadra turke ka një mision të vetëm. “Pasi u eliminuam nga Evropiani, motivi ynë ishte një dhe i vetëm: të kualifikohemi në Kupën e Botës. Është ëndërr e jona”, përfundoi mesfushori.
Ndeshja finale midis Kosovës dhe Turqisë zhvillohet të martën në stadiumin Fadil Vokrri duke filluar nga ora 20:45.