Kombëtarja e Turqisë fitoi 1-0 ndaj Kosovës në finalen e plejof-it për Kupën e Botës 2026, të luajtur në stadiumin Fadil Vokrri. Kjo fitore siguroi kualifikimin e Turqisë në turne pas 24 vitesh mungesë.
Presidenti i Turqisë, Recep Tayyip Erdogan, reagoi me një mesazh urimi në platformën X. Ai përgëzoi ekipin kombëtar për suksesin e arritur.
"E përgëzoj me gjithë zemër ekipin tonë kombëtar të futbollit, djemtë tanë, për fitoren ndaj Kosovës në finalen e plejof-it dhe kualifikimin në Kupën e Botës. E uroj ekipin kombëtar, i cili do të valëvitë flamurin tonë me yll dhe gjysmëhënë në këtë skenë më të madhe të futbollit pas 24 vjetësh. Suksese në ndeshjet e grupeve kundër Australisë, Paraguait dhe SHBA-së", thuhet në mesazhin e tij.
Erdogan shprehu besim të plotë te futbollistët turq. "Kemi besim të plotë se djemtë tanë, si gjithmonë, do ta mbajnë fanellën me yll dhe gjysmëhënë nga fitorja në fitore dhe do ta bëjnë kombin tonë krenar. I puth të gjithë sportistët tanë në ballë", përfundoi ai.
Kjo është rikthimi i parë i Turqisë në Kupën e Botës që nga viti 2002.