Arda Guler ka motivuar përfaqësuesen e Turqisë përpara sfidës vendimtare kundër Kosovës në kualifikimet e Kupës së Botës. Turqia nuk ka marrë pjesë në Botëror për 24 vite, dhe kjo ndeshje paraqet pengesën e fundit për rikthimin e saj.
Ylli i Real Madridit, Arda Guler, deklaroi: "Objektivi ynë i vetëm dhe kryesor është të kualifikohemi në Kupën e Botës. Ne shpresojmë t’i bëjmë tifozët tanë të lumtur. Unë s’kam qenë as i lindur kur kemi marrë pjesë në Kupën e Botës për herë të fundit, por e di se sa i rëndësishëm është Botërori për vendin tonë. Pasi u eliminuam nga Evropiani, motivi ynë ishte një dhe i vetëm: të kualifikohemi në Kupën e Botës. Është ëndërr e jona".
Turqia mbështetet në një brez të ri talentesh si Arda Guler dhe Yldiz, së bashku me lojtarë me përvojë si Hakan Calhanoglu. Skuadra turke ka arritur nivele të larta pas një periudhe tranzicioni të vështirë.
Kosova paraqet kundërshtar të vështirë si përfaqësuese e vogël me lojtarë në klube të nivelit të lartë. Ndeshja pritet e luftuar.
Shqetësimi kryesor është gjendja fizike e Hakan Calhanoglut. Regjisori turk doli i dëmtuar nga sfida e fundit kundër Rumanisë, ku një shqetësim në pulpë nuk e lejoi të përfundonte ndeshjen. Gjendja e tij pritet të monitorohet në vijim.