Sipas njoftimit të Institutit Hidrometeorologjik të Kosovës (IHMK), dita e diel në vend do të karakterizohet nga një mot i vranët, i cili do të shoqërohet me intervale me diell. Në disa zona të vendit, vranësirat pritet të sjellin riga të lehta shiu.
Temperaturat do të mbeten të larta, ku vlerat maksimale do të lëvizin ndërmjet 30 dhe 34 gradë Celsius. Ndërkaq, vlerat minimale do të shënojnë intervalin nga 13 deri në 17 gradë Celsius.
Era do të fryjë nga drejtimi i veriperëndimit, me një shpejtësi që do të luhatet nga 1 deri në 11 metra në sekondë.